साबुदाणा खिचडी हा उपवासाचा सर्वांच्या परिचयाचा व आवडीचा पदार्थ असतो. कित्येकदा हा पदार्थ ब्रेकफास्ट / स्नॅक म्हणून आवडीने खालला जातो. प्रत्येक मराठी घरात उपवास कोणताही असो उपवासाची साबुदाणा खिचडी ही असतेच.
साबुदाणा खिचडी
खिचडी बनवण्यासाठी लागणारे साहित्य :
- १ वाटी साबुदाणा
- १/२ वाटी शेंगदाणा
- ३-४ हिरव्या मिरच्या
- १ बटाटा
- २ मोठे चमचे साजूक तूप
- १/२ छोटे चमचे जिरे
- साखर चवी पुरती
- मीठ
- ओल खोबर,कोथींबीर
खिचडी बनविण्याची कृती :
स्टेप १:
- साबुदाणा 3 ते ४ वेळा चांगला धुवून घ्या जेणे करून त्या मधील अतिरिक्त स्टार्च निघून जाईल.
- नंतर साबुदाण्यात भिजेल इतके पाणी घालून ३ ते ४ तास भिजत ठेवा. जेणे करून साबुदाणा फुलून येईल.
- बटाट्याच्या पातळ तुकडे (काचऱ्या) कापून घ्या, हिरव्या मिरच्यांचे बारीक बारीक तुकडे करा .
- शेंगदाण्याला मंद आचेवर भाजून घ्या. थंड झाल्यावर साल कडून शेंगदाण्याचे मिक्सर मधून जाडसर कूट करून घ्या .
स्टेप २:
- आता आधी भिजवलेला साबुदाणा घेऊन त्यात शेंगदाणा कूट, मीठ घालून मिक्स करून घ्या.
- कढई मध्ये तूप टाकून त्यात जीर, हिरवी मिरचीचे तुकडे,घालून तळून/परतून घ्या .
- नंतर त्यात बटाट्याचे काप/ काचऱ्या टाकून झाकण ठेऊन २ ते ३ मिनिटे वाफ काढून घ्या.
- बटाटा शिजल्यावर त्यात वरील साबुदाण्याचे मिश्रण घालावे.
- त्यावर चवी प्रमाणे साखर घालून दूध किंवा ताकाचा हबका मारावा.
- आता वर झाकण ठेऊन २ ते ३ मिनिटे वाफ काढावी. खिचडी पारदर्शक झाली की शिजली असे समजावे .
- खिचडी शिजल्यावर गॅस बंद करून कोथंबीर आणि ओल खोबरं खवून घालावे व गार्निश करून घ्या.
- खिचडी दह्याबरोबर सर्व्ह करावे .
- साबुदाणा खिचडीत हिरवी मिरचीच्या ऐवजी लाल मिरची पावडर ही वापरू शकतो .
- कच्या बटाट्या ऐवजी उकडलेला बटाटा ही वापरू शकतो .
 in marathi){kind=link}
0 टिप्पण्या