HOW TO MAKE BHAJANI-THALIPEETH-RECIPE IN MARATHI

भाजणी थालीपीठ रेसिपी हा महाराष्ट्रातील अत्यंत आवडीचा पदार्थ (नास्ता) आहे.  जो वेगवेगळ्या धान्यापासून (मल्टि ग्रेन) बनवला जातो, त्यामुळे तो पौष्टीक तर असतोच त्याच बरोबर तो चवीला स्वादिष्ट व रुचकर सुद्धा असतो. धान्य भाजल्यामुळे ते पचायलाही हलके होते .

           

भाजणी थालीपीठ 

थालीपीठ भाजणी 

                        

भाजणी बनवण्याची कृती साठी क्लिक करा 

                     भाजणीचे थालीपीठ 

थालीपिठ बनवण्यासाठी लागणारे साहित्य :Ingredient of Thalipeeth 

1. दोन वाटया भाजणीचे पीठ
2. दोन चमचे तिखट
3. पाव छोटा चमचा हळद
4. एक चमचा गरम मसाला
5. अर्धी वाटी कांदा
6. चवीनुसार मीठ
7. कोथींबीर
8. एक चमचा आलं-लसूण-मिरची पेस्ट
9. एक चमचा सफेद तीळ
10. तेल
11.  ओवा 
12. आपल्याला आवडेल ती पालेभाजी:(उदा . मेथी,पालक )

भाजणी बनवण्याची कृती :

• थालीपीठ करताना दोन वाटया  भाजणीचे पीठ घेऊन त्यात अर्धी वाटी बारीक चिरलेला कांदा,हळद, ओवा गरममसाला,तिखट,तीळ,आलंलसून पेस्ट,कोंथिबीर,मीठ,बारीक चिरलेली मेथी,दोन चमचे गरम तेल,थोडं थोडं कोमट पाणी घालून पीठ घट्ट भिजवून घ्या . 
• एक लहान गोळा घेऊन ओल्या रुमालावर पाण्याच्या हाताने थालीपीठ थापून घ्यावे . 
• नॉनस्टिक पॅनवर थोडं तेल टाकून रुमाल वरच्या बाजूला राहील अश्या प्रकारे थालीपीठ पॅनवर टाकावे . नंतर रुमाल हळूहळू काढावा किंवा केळीच्या पानावर /प्लॅस्टिकच्या कागदावर थापून तव्यावर टाकावे . नंतर बोटांनी थालीपिठाला तीन चार भोके पाडा म्हणजे वरून मध्य भागी तेल सोडता येईल . 
• बाजूने थोडे थोडे तेल सोडून मंद गॅसवर झाकण घालावे. एक बाजूने खरपूस झाल्यावर उलथन्याने उलटून दुसरी  बाजू  खरपूस भाजून घ्यावी . उलटल्यावर पुन्हा झाकण  ठेवू नये. 
• अश्या प्रकारे  दोन्हीबाजूने थालीपीठ खमंग भाजून घ्यावी .
• थालीपीठ दह्याबरोबर किंवा लसून चटणी बरोबर सर्व्ह करावीत . 

टीप :

1. थालीपीठाची भाजणी करताना वरील कोणतेही धान्य कमी जास्त प्रमाण झाले तरी चालेल.
2. भाजणी थालीपीठ रेसिपीला थोडी गोडसर चव हवी असल्यास त्यात थोडा गूळ घालावा.
3. डाळी आपण जर सालासकट वापरल्या तर थालीपिठ अधिक खमंग व खुसखुशीत होतात . 
4. कांद्याऐवजी उकडलेला बटाटा ही वापरू शकतो . 
5. भाजणीच्या पिठाची उकड काढून हि थालीपीठ करता येते . 

🌼🌼 थालीपीठची भाजाणी कशी बनवायची हे पाहण्या साठी लिंक वर क्लीक करा. 

🌼🌼 थालीपीठा पासून मिळणारे फायदे :  Health Benefits of Thalipeeth 

• थालीपीठा मध्ये फायबर विपुल प्रमाणात असल्या मुळे पाचन तंत्र सुधारते . 
• या मध्ये प्रोटीन / प्रथिने भरपूर प्रमाणात असतात. 
• मुलांच्या वाढीसाठी हा एक परिपूर्ण आणि healthy आहार आहे. 
• डायबेटिक/ हृदय विकार असणाऱ्या पेशंट साठी खूप चांगला आहार आहे. 
• वेटलॉस मिशनवर असणाऱ्यासाठी हा एक उपयुक्त पदार्थ आहे.