how to make vegetable-kurma-recipe step by step in marathi

व्हेजिटेबल कुर्मा व्हेजिटेबल कुर्मा रेसिपी ही सबंध भारतात खुप पॉपुलर रेसिपी आहे, व्हेज कुर्मा विविध भाज्याचा वापर करुन बनवली जाणारी व सर्वांच्या खूप आ व रेसिपी ही सबंध भारतात खुप पॉपुलर रेसिपी आहे, व्हेज कुर्मा विविध भाज्याचा वापर करुन बनवली जाणारी व सर्वांच्या खूप आवडीची भाजी आहे. विशेषप्रसंगी सण-समारंभात,पार्टीज मध्ये आवर्जून या भाजीचा समावेश असतो. चला मग बनवूया ही सर्वांची फेव्हरेट रेसिपी.  

                     व्हेजिटेबल कुर्मा रेसिपी 

साहित्य :

• १ वाटी कॉलीफ्लॉवर
• १ वाटी मटार 
• १/२ वाटी गाजर, फरसबी 
• १ मध्यम आकाराचा कांदा 
• २ टोमॅटो 
• ४ हिरव्या मिरच्या 
• १ छोटा चमचा आले लसूण पेस्ट 
• १/२ वाटी ओल खोबर 
• २ मध्यम बटाटा 
• १ १/२ चमचा लाल तिखट 
• १/२ छोटा चमचा गरम मसाला
• १/२ छोटा चमचा किचन किंग मसाला  
• १/२ चमचा धने पावडर 
• ५ काजू, एक चमचा भाजलेली खसखस 
• १/४ छोटा चमचा हळद 
• स्वाद नुसार नमक 
• कोथींबीर 
• फोडणीसाठी तेल/तूप 
• जिरं ,मोहरी
• चिमूटभर हिंग,४-५पाने कडीपत्ता,१ तमालपत्र 

कृती :

• फ्लॉवरचे तुरे काढून घ्यावेत. गरम पाण्यात मीठ टाकून त्यात तुरे पंधरा मिनिटे ठेवावेत. नंतर साध्या पाण्याने धुवून घ्यावेत . 
• खोबर, मिरची, काजू, खसखस,थोडी कोथींबीर एकत्र वाटून पेस्ट वाटून घ्यावी. 
• कांदा, टोमॅटो बारीक चिरून घ्यावा. फरसबी,गाजरचे,बटाटयाचे तुकडे करून घ्या.  
• पॅन मध्ये तेल, मोहरी, जिर,तमालपत्र,कडीपत्ता, हिंग टाकून परतून घ्या.  नंतर त्यावर चिरलेला कांदा घालून हल्का लालसर परतून घ्या.
• कांदा परतल्यानंतर त्यात चिरलेला टोमॅटो घालून मऊसर शिजवून घ्या. 
• नंतर आल लसून पेस्ट, वाटलेला मसाला, लाल मिरची पावडर, हळद, गरम मसाला, धने पावडर, किचन किंग मसाला टाकून तेल सुटे पर्यंत परतत रहावे. 
• तेल सुटल्यानंतर त्यात फ्लॉवरचे तुरे, मटार, फरसबी, गाजर, बटाटयाचे तुकडे, मीठ घालून परतून घ्या. त्यात पाणी घालून झाकण ठेवून शिजवून घ्या . 
• गरमागरम व्हेज कुर्मावर वरून कोंथिबीर घालून पूरी बरोबर सर्व्ह करावे. 

टीप : 

१) व्हेजिटेबल कूर्मा बनवण्यासाठी आपण आपल्या आवडी नुसार कमी जास्त प्रमाणात भाज्या वापरू शकतो. 

२) आवडत असल्यास दही/फ्रेश क्रिम देखील वापरू शकतो.


➤ भाजणीचे थालीपीठ महाराष्ट्रात प्रत्येकाला आवडणारी रेसिपी पाहण्यासाठी click करा.

➤खमंग, खुसखुशीत अळू वडी पाहण्यासाठी click करा.