साबुदाणा वडा: उपवासाचा सर्वांचा आवडीचा पदार्थ आहे. मस्त क्रिस्पी टेस्टी व अबाल वृद्ध प्रत्येकाला हवा हवा सा वाटणारा असा हा चविष्ट साबुदाणा वडा म्हणजेच सर्वच खवैयांसाठी पर्वणीच असते. चला मग बनवूया कुरकुरीत साबुदाणा वडा.
साबुदाणा वडा
साहित्य :
- दोन कप साबुदाणा
- पाच मध्यम आकाराचे उकडलेले बटाटे
- चार चमचे राजगिरा पीठ/वरीचे पीठ
- एक कप शेंगदाण्याचे कूट
- आठ हिरव्या मिरच्या
- अर्धा चमचा आलं पेस्ट
- एक चमचा जिरे
- कोंथिबीर
- चवीनुसार मीठ
- तळण्यासाठी तेल /तूप
साबुदाणा वडे बनविण्याची कृती :
स्टेप १:
- साबुदाणा पाण्याने दोन ते तीन वेळा स्वच्छ धुवून घ्या. त्यातले स्टार्च पूर्णपणे निघून गेला पाहिजे.
- नंतर साबुदाण्या वरती थोडे पाणी ठेवून साबुदाणा साधारणतः तीन ते चार तास भिजत ठेवावा.
स्टेप २:
- उकडलेले बटाटयाची साल काढून चांगला स्मॅश करून घ्यावा.
- हिरवी मिरची आणि आले थोड जाडसर वाटून घ्यावे.
- शेंगदाणे चांगले भाजून त्याची सालं काढून मिक्सरमधून जाडसर कूट करावे.
- साबुदाणा चांगला फुलल्यानंतर, त्यातला थोडा साबुदाणा मिक्सर मधून थोडा फिरवून घ्यावा.
- नंतर एक बाऊल घेऊन त्यात न वाटलेला अख्खा साबुदाणा, वाटलेला साबुदाणा, स्मॅश केलेला बटाटा, जाडसर कुटलेले आल-मिरची, जिरं,बारीक चिरलेली कोंथिबीर,राजगिरा पीठ,मीठ,शेंगदाण्याचे कूट सर्व साहित्य एकत्र करून चांगले मिक्स करून तुपाच्या हाताने मळून घ्यावे.
- नंतर हाताला तेल लावून गोळे करून हातावर थापून टिक्कीचा आकार द्यावा किंवा केळीच्या पानावर थापून घ्यावे.
- कढईत तेल गरम करून त्यात वडे मध्यम आचेवर गोल्डन ब्राऊन होई पर्यंत तळून घ्यावेत.
- गरमागरम वडे हिरवी चटणी आणि दह्याबरोबर सर्व्ह करावेत.
टिप :
- आवडत असल्यास साबुदाणा वड्यात लिंबाचा रसही घालू शकतो.
- हिरवी मिरचीच्या जागी लाल मिरची किंवा काळीमिरी पावडर ही वापरू शकतो.
0 टिप्पण्या